4. Tecnoloxía, servizos e seguridade integrados en TIC IMPULSA 3

A diferenza de outras plataformas que só se centran na solución tecnolóxica, TIC IMPULSA 3 ofrece non só unha tecnoloxía potente senón un modelo de intervención e distribución pensado coas entidades de infancia e para elas:

4.1. Modelo de distribución SaaS

TIC IMPULSA 3 distribúese en modelo SaaS (o software como servizo), que é un modelo de distribución e licenzas usado para entregar aplicacións de software a través de Internet, é dicir, coma un servizo.

A diferenza do modelo de distribución e venda do software que se aloxa no servidor do cliente, SaaS ofrécelles ás empresas un servizo integral xa que, cunha única cota de licenza, inclúense tódolos servizos asociados ao mantemento e o desenvolvemento evolutivo do software.

• Custos de hosting
• Custos de ancho de banda
• Soporte
• Servizos de sistemas
• Monitorización e seguridade
• Desenvolvemento evolutivo
• Actualizacións

Os clientes TIC IMPULSA 3 obteñen acceso mediante unha licenza que lles inclúe todos estes servizos cun custo fixo que depende do número de usuarios dados de alta, co que a vantaxe é indubidable: cantos máis usuarios, maior xestión e menor custo proporcional por licenza.

O modelo SaaS ofrece múltiples beneficios que o fan ser o modelo de distribución ideal entre as entidades de infancia e o sector terciario.

• Baixos custos de infraestruturas e configuración. Non hai gastos que amortizar no balance de situación. En comparación cos tradicionais paquetes de software, o modelo SaaS pode ser sumamente rendible. Normalmente, os usuarios contan sempre coa última versión do software sen necesidade de pagar polas actualizacións e o mantemento.
• Acceso dende calquera lugar. Pode accederse ós servizos dende calquera outro dispositivo conectado, o que facilita o traballo dende a casa, reduce a perda de produtividade de empregados remotos e aforra espazo na oficina.
• Aplicación rápida. A configuración é rápida e sinxela, en comparación cunha estrutura de IT interna. A maioría de solucións SaaS concibíronse de tal xeito que se require pouca ou ningunha experiencia técnica e os usuarios empresariais poden comezar a traballar nelas de inmediato.
• Capacidade de ampliación. O acceso soe ser por licencia e mensual, de xeito que unha empresa só colle o que precisa. A adición de máis licenzas e a extensión das aplicacións conforme aumentan os requirimentos tradúcense en comodidade e capacidade de ampliación.
• Actualizacións automáticas e frecuentes. TIC IMPULSA 3 encárgase de tódalas actualizacións, que poden ser trimestrais. No é preciso manter nin compatibilizar versións anteriores do software. As melloras puntuais, das que informan os comentarios dos usuarios, proporciónanse automaticamente, o que reduce a carga de traballo do departamento de IT para que se centre nas tarefas máis importantes para a empresa.
• Seguridade. TIC IMPULSA 3 xestiona a seguridade mediante a centralización dos custos de auditoría, a realización de tests e a aplicación das políticas de seguridade máis eficientes no mercado.
• Aforro de custos na externalización do seu equipo de sistemas. Como o provedor asume as funcións de xestión de sistemas, a súa organización poderá aforrar este perfil.
• Diminución da pegada de carbono. Ao dispor dunha infraestrutura centralizada na nube, aforrará a repercusión da pegada de carbono, pois a infraestrutura de sistemas é consolidada entre diferentes organizacións do sector.

Modelo de distribución ideal entre as entidades da infancia e do terceiro sector

4.2. Unha infraestrutura de servidores segura e con escalabilidade no territorio español

Segundo a normativa estatal de 2019, tódalas institucións deberán ter os seus servidores en territorio español.

Aínda que as entidades sociais privadas non teñan a categoría de administración pública, no tocante á xestión de datos nos procesos de intervención de persoas derivadas e financiadas pola administración pública, as entidades deberán cumprir coa mesma premisa.

Polo tanto, é preciso que tódolos datos de expedientes e procesos estean aloxados nun servidor no territorio español para cumprir así coa normativa vixente.

Moitas solucións parciais adoptadas por algunhas entidades sociais non cumpren con esta normativa, nin tan sequera coa da protección de datos. Servizos na nube como Google Drive e Office 365, entre outros, non garanten que o servidor se atope en territorio español, nin as políticas de sinatura e propiedade requiridas pola LOPD.

Atendendo a estes requirimentos, TIC IMPULSA 3 realizou unha importante inversión en arquitectura de sistemas co fin de axudarlles ás entidades sociais a cumprir coa normativa esixible cun importante aforro de custos.

Se cada entidade se vira obrigada a realizar a devandita inversión, incrementaríanse os custos de xeito exponencial.

TIC IMPULSA 3 ofrece as seguintes garantías no tocante á seguridade, á normativa e á escalabilidade esixibles.

4.3. Servizos ofrecidos por TIC IMPULSA 3

Os servizos que TIC IMPULSA 3 lles ofrece ás entidades son os que se refiren ao soporte e a aplicación da ferramenta:

• Consultoría.
• Adaptación de procesos e módulos.
• Formación a usuarios.
• Personalización da ferramenta.
• Creación de espazos para o Self Directed Suport.
• Creación e configuración de espazos de formación, comunidades e xestión do talento e, neste caso, soporte directo a usuarios.
• Soporte e aplicación.